நாமக்கல் மண்டலத்தில் முட்டை விலை மேலும் 5 பைசா உயர்வு: ஒன்றுக்கு ரூ.4.60 ஆக நிர்ணயம்.

நாமக்கல் மண்டலத்தில் முட்டை விலை மேலும் 5 பையா உயர்ந்து, ஒரு முட்டையின் விலை ரூ. 4.60 ஆக நிர்ணயிக்கப்பட்டது.நாமக்கல் மண்டலத்தில் முட்டை விலை மேலும் 5 பையா உயர்ந்து, ஒரு முட்டையின் விலை ரூ. 4.60 ஆக நிர்ணயிக்கப்பட்டது.

நாமக்கல், சேலம், ஈரோடு, பெருந்துறை, கோவை உள்ளிட்ட நாமக்கல் மண்டலத்தில் ஆயிரத்துக்கும் மேற்பட்ட கோழிப்பண்ணைகள் உள்ளன. இங்கு சுமார் 6 கோடி முட்டைக் கோழிகள் வளர்க்கப்படுகின்றன. தினசரி சுமார் 5 கோடி முட்டைகள் உற்பத்தி செய்யப்படுகிறது. தமிழக அரசின் சத்துணவு திட்டத்திற்கும், வெளிநாட்டிற்கு ஏற்றுமதிக்கும் போக, மீதமுள்ள முட்டைகள், கேரளா உள்ளிட்ட வெளி மாநிலங்களுக்கும், தமிழகத்தின் பல்வேறு மாவட்டங்களுக்கும் விற்பனைக்காக தினசரி லாரிகளில் அனுப்பி வைக்கப்படுகின்றன.தேசிய முட்டை ஒருங்கிணைப்புக்குழு (என்இசிசி), கடந்த மே மாதம் முதல் தினசரி பண்ணைகளில் ரொக்க விற்பனைக்கு, மைனஸ் இல்லாத முட்டை விலையை அறிவித்து வருகிறது. இதை அனைத்து பண்ணையாளர்களும் கடைபிடித்து வருகின்றனர். கடந்த செப். 6ம் தேதி ஒரு முட்டையின் விலை ரூ. 4.30--ல் இருந்து 5 பைசா உயர்த்தப்பட்டு, ரூ. 4.35 ஆனது. பின்னர் 9ம் தேதி 5 பைசா உயர்த்தப்பட்டு ரூ. 4.40 ஆனது. மீண்டும் 10ம் தேதி 10 பைசா உயர்த்தபட்டு ஒரு முட்டை விலை ரூ. 4.50 ஆனது. 11ம் தேதி 5 பைசா உயர்த்தப்பட்டு ரூ. 4.55 ஆனது. இந்த நிலையில், இன்று மாலை நடைபெற்ற கூட்டத்தில், முட்டை விலை, மேலும் 5 பைசா உயர்த்தப்பட்டு, ஒரு முட்டையின் பண்ணைக்கொள்முதல் விலை ரூ. 4.60 ஆக நிர்ணயிக்கப்பட்டது.