மல்லசமுத்திரத்தில் ஊராட்சி மன்ற தலைவர்கள் கூட்டம்

மல்லசமுத்திரத்தில் நடந்த ஊராட்சி மன்ற தலைவர்கள் கூட்டத்தில், டெங்கு விழிப்புணர்வு ஏற்படுத்தப்பட்டது. மல்லசமுத்திரம் பி.டி.ஓ.. அலுவலகத்தில் நடந்த ஊராட்சி மன்ற தலைவர்கள் கூட்டத்திற்கு, பி.டி.ஓ.,க்கள் மலர்விழி, லோகமணிகண்டன் தலைமை வகித்தனர். இதில், டெங்கு விழிப்புணர்வு ஏற்படுத்தப்பட்டு, அதனை தடுக்கும் முறைகள் குறித்தும், ஊராட்சிகளில் உள்ள மேல்நிலை நீர்த்தேக்க தொட்டிகளில் குளோரி நேசன் மருந்து தெளித்து சுகாதாரத்தை பேணி காக்க அறிவுறுத்தப்பட்டது. கூட்டத்தில் 27 ஊராட்சிகளை சேர்ந்த தலைவர்கள் மற்றும் செயலாளர்கள், வட்டார சுகாதார மேற்பார்வையாளர் பாலு, சுகாதார ஆய்வாளர்கள் மகேந்திரன், பிரகாஷ் உள்பட பலர் கலந்து கொண்டனர்.