பாஜக வேட்பாளர் பொன்.ராதாகிருஷ்ணன் பிறந்த ஜீப்பில் பிரச்சாரம்

கன்னியாகுமரி பாராளுமன்ற தொகுதி பாரதிய ஜனதா வேட்பாளர் பொன் ராதாகிருஷ்ணன் இன்று முதல் திறந்த ஜீப்பில் பிரச்சாரம் மேற்கொள்கிறார்.கொல்லங்கோடு ஸ்ரீ பத்ரகாளியம்மன் கோவிலில் இருந்து தனது பிரச்சாரத்தை இன்று பொன் ராதாகிருஷ்ணன் தொடங்கினார்.

அப்போது அவர் பேசியதாவது:-கன்னியாகுமரி மாவட்டத்தில் வளர்ச்சி திட்டங்களை செயல்படுத்துவதற்கு பாரதிய ஜனதா கட்சி சார்பில் போட்டியிடும் எனக்கு தாமரை சின்னத்தில் வாய்ப்பு அளித்து வாக்களித்து வெற்றி பெற செய்யுங்கள்.குமரி மாவட்டத்தில் கடந்த ஐந்து ஆண்டுகளில் எந்த ஒரு வளர்ச்சி திட்ட பணிகளும் நடைபெறவில்லை.

இப்பொழுது நடைபெறும் தேர்தல் வளர்ச்சிக்காகவா வீழ்ச்சிக்காகவா என நடைபெறும் தேர்தலாகும். மக்கள் சிந்தித்து தங்களது வாக்குகளை பதிவு செய்ய வேண்டும் இவ்வாறு அவர் பேசினார். .