அதிமுகவுடன் ஒருபோதும் கூட்டணி இல்லை - டிடிவி தினகரன்

விழுப்புரம், கள்ளக்குறிச்சி மாவட்டத்திற்கு உட்பட்ட சட்டமன்ற தொகுதி பொறுப்பாளர்கள் மற்றும் செயல் வீரர்கள் வீராங்கனைகள் ஆலோசனைக் கூட்டம் விழுப்புரம் கரும்பு விவசாய மண்டபத்தில் நடைபெற்றது, இந்த நிகழ்ச்சியில் அம்மா மக்கள் முன்னேற்ற கழகத்தின் கழகப் பொதுச் செயலாளர் டிடிவி தினகரன் கலந்து கொண்டு சிறப்புரை ஆற்றினார்.

பின்னர் செய்தவர்களை சந்தித்தார் அப்போது அவர் கூறியதாவது:- அதிமுக இரட்டை இலை சின்னத்தில் நின்றால் கூட வரும் தேர்தலில் ஜெயிப்பதற்கான வாய்ப்பு இல்லை, அதிமுக செய்த துரோகம் மக்களுக்கு தெரியும், மக்களவைத் தேர்தலில் நான் போட்டியிடவில்லை அமுமுக கட்சி போட்டியிடும், கூட்டணி குறித்து பின்பு முடிவு செய்வோம், எடப்பாடி பழனிச்சாமியை மக்கள் நம்ப தயாராக இல்லை, அதிமுகவுடன் ஒருபோதும் கூட்டணி இல்லை, திமுக மக்கள் வாக்குறுதிகளை நிறைவேற்றாமல் மக்களை ஏமாற்றி வருகிறது, மக்களவைத் தேர்தலில் இந்தியா கூட்டணியில் காங்கிரசை கழட்டி விட்டு கடைசி நேரத்தில் திமுக தனித்து நிற்கக்கூடிய சூழ்நிலை வரும் என்று அம்மா மக்கள் முன்னேற்ற கழகத்தின் கழகப் பொதுச் செயலாளர் டிடிவி தினகரன் விழுப்புரத்தில் பேட்டி. இந்த நிகழ்ச்சியில் விழுப்புரம் கள்ளக்குறிச்சி மாவட்டத்தை சேர்ந்த மாவட்ட தொகுதி பொறுப்பாளர்கள் மற்றும் செயல் வீரர்கள் மற்றும் வீராங்கனைகள் உள்ளிட்ட கட்சி நிர்வாகிகள் பலர் கலந்து கொண்டனர்.