செல்லும் இடமெங்கும் உற்சாக வரவேற்பு! நன்றி தெரிவித்த சசிகாந்த் செந்தில்

நடைபெறவுள்ள லோக்சபா தேர்தலில் அரசியல் கட்சிகள் பிரச்சார களத்தில் மிகத் தீவிரமாக செயல்பட்டு வருகின்றன. தங்கள் பிரச்சாரத்திற்கு இடையில் ஊடகங்களுக்கு வேட்பாளர்கள் அளிக்கும் பேட்டிகள் சுவாரஸ்யம் அளித்த வண்ணம் உள்ளன. அந்த வகையில் திருவள்ளூர் தனித் தொகுதியில் போட்டியிடும் காங்கிரஸ் கட்சி வேட்பாளர் சசிகாந்த் செந்தில் தொடர்ச்சியாக பேட்டிகளையும் வழங்கி வருகிறார். அப்போது பேசுகையில், பாஜக உடன் போட்டி என்று சொல்வதை விட சித்தாந்த மோதல் என்று சொல்வது சரியாக இருக்கும் என்றார் .அவரது பேச்சுக்கள் மக்களிடம் அதிக கவனம் பெற்று வருகிறது .

இந்த நிலையில் இன்று 06/04/2024 காலை கும்மிடிப்பூண்டி தொகுதியில் காங்கிரஸ் கட்சி வேட்பாளர் சசிகாந்த் செந்தில் தேர்தல் பிரச்சாரத்தை தொடங்கினார் . செல்லும் இடமெல்லாம் மக்கள் உற்சாக வரவேற்பை அளித்தனர் . அப்போது பேசுகையில், பாஜக உடன் போட்டி என்று சொல்வதை விட சித்தாந்த மோதல் என்று சொல்வது சரியாக இருக்கும் என்றார்.மக்கள் அளிக்கும் எல்லையில்லா அன்பும், பாசமும் என்றென்றும் மறக்க முடியாதவை, ஆகவே இதே அன்பும், பாசமும் என்றென்றென்றும் நிலைத்திருக்க பாடுபடுவேன் என்றும் உற்சாக வரவேற்பு அளித்த திருவள்ளூர் மக்கள் அனைவருக்கும் நன்றி தெரிவித்தார் .

இந்த பிரச்சாரத்தில் திருவள்ளூர் கிழக்கு மாவட்ட செயலாளர் கும்மிடிப்பூண்டி சட்டமன்ற தொகுதி உறுப்பினர் திரு. T.J. கோவிந்தராஜன் MLA, திருவள்ளூர் காங்கிரஸ் வடக்கு மாவட்ட தலைவர் பொன்னேரி சட்டமன்ற தொகுதி உறுப்பினர் துரை .சந்திரசேகர் MLA, தமிழ்நாடு காங்கிரஸ் கமிட்டி மாநில துணைத்தலைவர் கீரனூர் ராஜேந்திரன் மற்றும் இந்தியா கூட்டணி கட்சிகளை சேர்ந்த தொண்டர்கள் உள்ளிட்டோர் பலர் கலந்து கொண்டனர்.