தங்கம் விலையில் மாற்றமில்லை!!

தங்கம் விலை குறைந்து கொண்டே வந்த சூழலில், மேலும் விலை குறையும் என நேற்று எதிர்பார்த்த நிலையில் தங்கம் விலை நேற்று மீண்டும் ஏற்றம் கண்டது. நேற்று தங்கம் விலை அதிரடியாக குறைந்து, மீண்டும் ஒரு சவரன் ரூ.89 ஆயிரத்துக்கு கீழ் வந்தது. காலை சவரனுக்கு ரூ.1,800 குறைந்து, ஒரு சவரன் ரூ.88,800 ஆகவும், கிராமுக்கு ரூ.225 குறைந்து, ஒரு கிராம் ரூ.11,100-க்கு விற்பனை செய்யப்பட்டது. இந்த சூழலில் நேற்று மாலை தங்கம் விலை மீண்டும் அதிகரித்தது. அதன்படி, சென்னையில் 22 கேரட் ஆபரணத் தங்கத்தின் விலை பிற்பகல் நிலவரப்படி சவரனுக்கு ரூ.1,600 அதிகரித்து ஒரு சவரன் ரூ.90,400-க்கு விற்பனை செய்யப்பட்டது. கிராமுக்கு ரூ.200 அதிகரித்து ஒரு கிராம் ரூ.11,300-க்கும் விற்பனை செய்யப்பட்டது. தொடர்ந்து இன்றும் தங்கம் விலை அதே நிலையே தொடர்கிறது. நேற்றைய விலையில் எந்த மாற்றமும் இன்றி, 22 காரட் தங்கம் விலை ஒரு கிராம் ரூ.11,300க்கும், ஒரு சவரன் ரூ.90,400க்கும் விற்பனை செய்யப்படுகிறது. மேலும் வெள்ளி விலையும் எந்த மாற்றமும் இன்றி ஒரு கிராம் ரூ.165க்கும் ஒரு கிலோ ரூ.1,65,000க்கும் விற்பனை செய்யப்படுகிறது.