இந்தியாவில் புதிதாக 375 பேருக்கு கொரோனா பாதிப்பு

புதுடெல்லி: இந்தியாவில் புதிதாக 375 பேருக்கு கொரோனா பாதிப்பு ஏற்பட்டுள்ளது. இதன் மூலம் கொரோனா தொற்றினால் பாதிக்கப்பட்டு சிகிச்சை பெறுகிறவர்களின் எண்ணிக்கை 3,075 ஆக உயர்ந்துள்ளது. நேற்று காலை 8 மணி வரையிலான கடந்த 24 மணி நேரத்தில் கர்நாடகாவை சேர்ந்த 2 பேர் கொரோனாவால் உயிரிழந்துள்ளனர்.இதனால் கொரோனாவுக்கு பலியானோர் எண்ணிக்கை 5,33,414, ஆக உயர்ந்துள்ளது. இதுவரை மொத்தம் 4.4 கோடி பேர் தொற்றில் இருந்து மீண்டுள்ளனர். குணமடைந்தோர் விகிதம் 98.81 சதவீதமாக உள்ளது என்று ஒன்றிய சுகாதார அமைச்சக இணையதளத்தில் தெரிவிக்கப்பட்டுள்ளது.