பாலியல் வன்கொடுமை செய்யப்பட்ட பெண்ணை கடத்திய வழக்கில் தேவகவுடா மகன் ரேவண்ணா கைது: கர்நாடக சிறப்பு புலனாய்வு குழு அதிரடி நடவடிக்கை

பெண்ணின் மகன் அளித்த புகாரின் பேரில், எஸ்.ஐ.டி அதிகாரிகள் அந்த பெண்ணை தீவிரமாக தேடிவந்தனர். ஹொலெநரசிபுராவில் உள்ள ரேவண்ணாவின் வீட்டில் எஸ்.ஐ.டி சோதனை நடத்தியது. பாலியல் வன்கொடுமை குறித்து புகார் அளித்த 3 பெண்களை ரேவண்ணாவின் வீட்டிற்கு அழைத்து சென்று, அங்கு வன்கொடுமை செய்யப்பட்டது குறித்து ஒவ்வொரு அறைக்கும் சென்று எஸ்.ஐ.டி அதிகாரிகள் விசாரித்தனர். மேலும், ரேவண்ணாவுடன் தொடர்புடைய அனைவரது வீடுகள் மற்றும் பண்ணை வீடுகளிலும் எஸ்.ஐ.டி அதிகாரிகள் சோதனை நடத்தினர்.