தேர்தல் முடிவுகளை மக்கள் எதிர்பார்த்திருக்கும் நிலையில் 57 தொகுதியில் நாளை கடைசி கட்ட வாக்குப்பதிவு: பாதுகாப்பு ஏற்பாடுகள் தீவிரம்

மக்களவைத் தேர்தலுக்கான அறிவிப்பு வெளியான கடந்த மார்ச் 16ம் தேதி தொடங்கிய பிரசாரம் 76 நாள்களுக்குப் பிறகு நேற்றுடன் முழுமையாக நிறைவடைந்தது. கிட்டத்தட்ட இரண்டரை மாதங்களாக தேர்தல் நடத்தை விதிகள் அமலில் இருந்த நிலையில், தற்போது தேர்தல் இறுதி கட்டத்தை எட்டியதால் மக்கள் தேர்தல் முடிவுகளை ஆவலுடன் எதிர்பார்த்துள்ளனர். அந்த வகையில் அருணாச்சல் பிரதேசம் மற்றும் சிக்கிமில் நாளை மறுநாள் (ஜூன் 2) வாக்கு எண்ணிக்கை நடைபெறுகிறது. தொடர்ந்து நாடு முழுவதும் 7 கட்டங்களாக நடந்த தேர்தலின் வாக்குகள் வரும் ஜூன் 4ம் தேதி எண்ணப்பட்டு முடிவுகள் அறிவிக்கப்படும்.