நடிகர் சல்மான்கானை கொல்ல சதி ரவுடி கும்பலைச் சேர்ந்த 4 பேர் கைது: பாகிஸ்தானில் இருந்து ஏகே 47 துப்பாக்கி வாங்க முயற்சித்தது அம்பலம்

நடிகர் சல்மான் கானை சுட்டுக்கொல்ல சதி திட்டம் தீட்டியதாக பிரபல ரவுடி லாரன்ஸ் பிஷ்னோய் கும்பலைச் சேர்ந்த 4 பேரை மும்பை அருகே போலீசார் கைது செய்தனர். கடந்த 1998ம் ஆண்டு படப்பிடிப்புக்காக ராஜ்ஸ்தான் சென்ற நடிகர் சல்மான்கான், மான் ஒன்றை சுட்டுக்கொன்றார். தாங்கள் வழிபட்டு வந்த மானை சுட்டுக் கொன்றதால், சல்மான் கானுக்கு லாரன்ஸ் பிஷ்னோய் கும்பல் மிரட்டல் விடுத்தது. இந்த நிலையில் கடந்த ஏப்ரல் மாதம் 14ம் தேதி பைக்கில் வந்த ஆசாமிகள்,மும்பை பாந்திராவில் உள்ள சல்மான்கான் வீட்டை நோக்கி துப்பாக்கியால் சுட்டனர். இந்த சம்பவம் தொடர்பாக 6 பேரை போலீசார் கைது செய்து விசாரித்து வருகின்றனர்.