கல்லூரி மாணவர்களுக்கு ஆகஸ்ட் மாதம் முதல் ரூ1000: முதல்வர் மு.க.ஸ்டாலின் அறிவிப்பு

மாணவிகள் தங்களின் சின்ன சின்ன தேவைகளுக்கு யாரையும் எதிர்பார்த்து காத்திருக்க வேண்டிய நிலை இல்லை என்றும், இந்த திட்டத்தில் மாதம் கிடைக்கும் ரூ.1000 தங்களுக்கு உதவியாக இருக்கிறதாக மிகுந்த மகிழ்ச்சியோடு சொன்னார்கள். அந்த மகிழ்ச்சி மாணவர்கள் முகத்திலும் ஏற்பட வேண்டும் என்பதற்காக மாதம் ரூ.1000 வழங்குகிற ‘தமிழ் புதல்வன்’ திட்டம் செயல்படுத்தப்படும் என்று சொல்லி இருந்தேன். நீங்கள் கல்லூரிக்கு போனவுடன் வருகிற ஆகஸ்ட் மாதத்தில் இருந்து அந்த ரூ.1000 வழங்கப்படும் என்று இந்த மேடையில் மகிழ்ச்சியோடு தெரிவித்துக் கொள்கிறேன்.