பிரக்யானந்தாவுக்கு பரிசளித்த ஆனந்த் மஹிந்திரா!

உலகக் கோப்பை செஸ் போட்டியில் இரண்டாம் இடம் பிடித்து சாதனை படைத்த செஸ் வீரர் பிரக்யானந்தாவிற்கு மஹிந்திரா நிறுவனத் தலைவர் ஆனந்த் மஹிந்திரா கார் பரிசளிப்பதாக தனது எக்ஸ் பக்கத்தில் அறிவித்திருந்தார்.

இந்நிலையில் இன்று செஸ் சாதனை பெற்ற பிரக்யானந்தா மற்றும் அவரது குடும்பத்தினரை அழைத்து மஹிந்திரா XUV 400 மின்சார காரை மகேந்திரா நிறுவன தலைவர் ஆனந்த் மஹிந்திரா பரிசாக வழங்கினார்.

அதனை பெற்றுக் கொண்ட பிரக்யானந்தா தனது எக்ஸ் தளத்தில் பரிசு பெற்ற புகைப்படங்களை பதிவிட்டு, ''காரை பெற்றதில் மிகவும் மகிழ்ச்சி. எனது பெற்றோர்கள் மிகவும் மகிழ்ச்சி அடைந்துள்ளனர். ஆனந்த் மஹிந்திராவுக்கு நன்றி'' என பதிவிட்டுள்ளார்.