ஆசிய கோப்பை ஹாக்கி போட்டி - இந்திய அணி இன்று தாய்லாந்துடன் மோதல் !!

10-வது ஜூனியர் ஆசிய கோப்பை ஹாக்கி போட்டி (21 வயதுக்கு உட்பட்டோர்) ஓமன் தலைநகர் மஸ்கட்டில் நேற்று தொடங்கிய நிலையில் டிசம்பர் 4-ந் தேதி வரை நடைபெறும். இந்த போட்டியில் பங்கேற்றுள்ள 10 அணிகள் இரு பிரிவாக பிரிக்கப்பட்டு உள்ளனர்.

'ஏ' பிரிவில் நடப்பு சாம்பியன் இந்தியா, தென் கொரியா, ஜப்பான், தாய்லாந்தும், 'பி' பிரிவில் பாகிஸ்தான், மலேசியா, வங்காளதேசம், ஓமன், சீனாவும் இடம் பிடித்துள்ளன.

ஒவ்வொரு அணியும் உடன் இருக்கும் மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் அரைஇறுதிக்கு தகுதி பெற்று முன்னேறும்.

அத்துடன் அடுத்த ஆண்டு நடைபெறும் ஜூனியர் உலகக் கோப்பை போட்டிக்கும் தகுதி பெறும். இதில் இந்திய அணி தனது தொடக்க லீக் ஆட்டத்தில் இன்று தாய்லாந்துடன் மோத உள்ளது

இரண்டு அணிகளும் வெற்றி கணக்கை தொடங்குவதற்கு கடுமையாக போராடும். எனவே ஆட்டத்தில் பரபரப்பை பார்க்கலாம்.