ஆசிய சாம்பியன்ஸ் கோப்பை - அரை இறுதிக்கு முன்னேறிய இந்தியா !!

பீகாரின் ராஜ்கிரில் நேற்று நடந்த ஆசிய சாம்பியன்ஸ் கோப்பைக்கான பெண்கள் ஹாக்கிப் போட்டியில், ஜப்பானை 3-0 கோல் கணக்கில் இந்திய அணி வென்றது. அதனால் இந்திய அணி அதிரடியாக அரை இறுதிக்கு முன்னேறியது. இந்த வெற்றியின் மூலம், லீக் போட்டிகளில் 15 புள்ளிகள் பெற்று இந்திய அணி முதலிடம் பெற்றது. சீன அணி, 12 புள்ளிகளுடன் 2ம் இடத்தில் உள்ளது.

அடுத்து நாளை நடக்கும் அரை இறுதிப் போட்டி பட்டியலில் 4ம் இடத்தில் உள்ள ஜப்பான் அணியுடன், இந்திய வீராங்கனைகள் மோத உள்ளனர். மற்றொரு அரை இறுதியில் பட்டியலில் 3ம் இடத்தில் உள்ள மலேசியா அணியுடன், சீன அணி மோதுகிறது.