அரசு பேருந்துகளில் 13,528 பழுதுகள் சரி செய்யப்பட்டுள்ளது - போக்குவரத்து துறை

பேருந்துகள் சேதம் குறித்த செய்திகள் தொடர்ந்து வந்த நிலையில் சேதங்களை கண்டறிந்து சரி செய்ய போக்குவரத்து துறை உத்தரவிட்டு இருந்தது. இதன்படி தமிழகம் முழுவதும் இயங்கும் பழைய பேருந்துகள் அனைத்தும் ஆய்வு மேற்கொள்ளப்பட்டு பழுதுகள் கண்டறியப்பட்டது. இதில் அரசு பேருந்துகளில் இருந்த 17,459 பழுதுகள் கண்டறியப்பட்டு 13,528 பழுதுகள் சரி செய்யப்பட்டுள்ளது, மீதமுள்ள பழுதுகள் அனைத்தும் திங்கள் கிழமைக்கு சரி செய்யப்படும் என்று போக்குவரத்துறை தகவல் தெரிவித்துள்ளது. இது தொடர்பாக தலைமைச் செயலாளர் தலைமையில் ஆய்வுக் கூட்டம் நடைபெற்றது குறிப்பிடத்தக்கது.