சேலம் அருகே ஆடுகள் திருடிய 3 பேர் கைது

சேலம் மாவட்டம் அயோத்தியாப்பட்டணம் அருகே குள்ளம்பட்டி பகுதியை சேர்ந்த சத்யராஜ் (வயது 33) என்பவருக்கு சொந்தமான 3 ஆடுகள் திருட்டு போனது. இதுகுறித்து காரிப்பட்டி போலீசார் வழக்குப்பதிவு செய்து விசாரணை நடத்தினர். இதற்கிடையே அங்குள்ள கண்காணிப்பு கேமரா காட்சியை போலீசார் ஆய்வு செய்த போது கூட்டாத்துப்பட்டியை சேர்ந்த பிரவீன், சக்தி, அஸ்வின் ஆகிய 3 பேரும் ஆடுகளை திருடியது தெரிய வந்தது. உடனே போலீசார் ஆடுகள் திருடிய 3 பேரையும் கைது செய்தனர்.