வீடு புகுந்து பணம், செல்போன் திருடியவர் கைது

சேலம் அம்மாபேட்டை முத்தையால்பேட்டை பகுதியை சேர்ந்தவர் அன்பழகன் (47). இவர் நேற்றிரவு வீட்டை பூட்டி விட்டு வெளியே சென்றார். மீண்டும் வீட்டிற்கு திரும்பிய போது வீட்டிற்குள் புகுந்த மர்மநபர் ஒருவர் வீட்டில் இருந்த ரூ.5,200 பணம் மற்றும் செல்போனை எடுத்துக்கொண்டு வெளியே வர முயன்றார்.

அப்போது கையும் காலமாக அவரை மடக்கி பிடித்த அன்பழகன் அம்மாபேட்டை போலீஸ் ஸ்டேஷனில் ஒப்படைத்தார். இதையடுத்து, பணம் மற்றும் செல்போனை பறிமுதல் செய்த போலீசார் விசாரணை நடத்தியதில், அவரது பெயர் அப்ரித் என்பது தெரியவந்தது. இவர் மீது திருட்டு வழக்குகள் நிலுவையில் உள்ளதாக கூறப்படுகிறது. தொடர்ந்து, விசாரணை நடத்தி வரும் போலீசார் அவரை கைது செய்து சிறையில் அடைத்தனர்.