கோலம் மூலம் தேர்தல் விழிப்புணர்வு!

ராணிப்பேட்டை மாவட்டம் காவேரிப்பாக்கம் ஒன்றியத்திற்கு உட்பட்ட பெரும்புலிப்பாக்கம் ஊராட்சியில் மகளிர் குழு சார்பில் தேர்தல் விழிப்புணர்வு நிகழ்ச்சி நடந்தது. இதில் நான் நிச்சயம் வாக்களிப்பேன், 100 சதவீதம் வாக்களிப்போம், வாக்களிப்பது நம் கடமை என்பது உள்ளிட்ட பல்வேறு வாசகத்துடன் மகளிர் குழுவினர் வண்ணக் கோலமிட்டு விழிப்புணர்வு ஏற்படுத்தி பொதுமக்களுடன் உறுதிமொழி ஏற்றுக்கொண்டனர். பின்னர் பொதுமக்களுக்கு தேர்தல் விழிப்புணர்வு வாசகங்கள் அடங்கிய துண்டு பிரசுரங்கள் பொதுமக்களுக்கு வழங்கப்பட்டது.