அதிமுக - தேமுதிக கூட்டணி பேச்சுவார்த்தையில் மீண்டும் இழுபறி

மாநிலங்களவை சீட் ஒதுக்க அதிமுகவிடம் தேமுதிக மீண்டும் கோரிக்கை விடுத்துள்ளது. அதேபோல் 4 மக்களவை தொகுதி மட்டுமே ஒதுக்க முடியும் என அதிமுக தரப்பில் தெரிவிக்கப்பட்டுள்ளது. இன்று 3 ம் கட்ட பேச்சுவார்த்தைக்கு அதிமுக அழைப்பு விடுத்துள்ள நிலையில் தற்போது வரை பேச்சுவார்த்தைக்கு செல்வது குறித்து முடிவெடுக்கவில்லையென தேமுதிக தரப்பில் தகவல் தெரிவிக்கப்பட்டுள்ளது. பாஜகவும் தேமுதிக உடன் கூட்டணி அமைப்பது குறித்து பேச்சுவார்த்தை நடத்தியதாக நேற்று பிரேமலதா கூறியிருந்தது குறிப்பிடத்தக்கது.