அ.தி.மு.க. சார்பில் தண்ணீர் பந்தல்!

குடியாத்தம் கிழக்கு ஒன்றிய அ.தி.மு.க. சார்பில் கார்த்திகேயபுரம் பகுதியில் தண்ணீர் பந்தல் திறந்து வைக்கும் நிகழ்ச்சி நடைபெற்றது. கிழக்கு ஒன்றிய அ.தி.மு.க. செயலாளர் எஸ்.எல்.எஸ்.வனராஜ் தலைமை தாங்கினார்.

சிறப்பு அழைப்பாளர்களாக வேலூர் புறநகர் மாவட்ட செயலாளர் த.வேலழகன், மாநில அமைப்புச் செயலாளர் வி.ராமு ஆகியோர் கலந்துகொண்டு தண்ணீர் பந்தலை தொடங்கி வைத்து, பொது மக்களுக்கு பழங்கள், இளநீர் ஆகியவற்றை வழங்கினர். நிகழ்ச்சியில் ஒன்றிய ஜெயலலிதா பேரவை செயலாளர் எம்.மோகன், மாவட்ட வர்த்தக அணி செயலாளர் பி.எச்.இமகிரிபாபு உள்பட மாவட்ட, நகர, ஒன்றிய நிர்வாகிகள் பலர் கலந்து கொண்டனர்.