திருநங்கைகள் ஆசி வழங்கி வடசென்னை அதிமுக வேட்பாளருக்கு வரவேற்பு

அதிமுக சார்பில் வட சென்னை மக்களவைத் தொகுதி வேட்பாளராக போட்டியிட உள்ள ராயபுரம் மனோ இன்று இரண்டாம் நாள் பிரச்சாரத்தை திருவெற்றியூர் தேரடி பகுதியில் தொடங்கினார். 10 ஆவது வார்டு தேரடி வடிவுடையம்மன் கோயில் முதல் காலடிப்பேட்டை மார்க்கெட் வரை இன்று பிரச்சாரம் நடைபெற்றது.

தேரடி தெருவில் உள்ள தியாகராஜ சுவாமி திருக்கோவில் அருகில் உள்ள விநாயகர் கோவிலில் தரிசனம் செய்த பின் பிரச்சாரத்தில் ஈடுபட்டார். இப்போது அந்த பகுதியில் இருந்த திருநங்கைகள் அவருக்கு ஆசிர்வாதம் செய்து வரவேற்றனர்,

தொடர்ந்து அருகில் பூக்கடை வைத்திருந்த கடை உரிமையாளர்களிடம் இரட்டை இலை சின்னத்திற்கு அதிமுக வட சென்னை தொகுதி வேட்பாளர் ராயபுரம் மனோ வாக்கு சேகரித்தார்.