அதிமுக இரண்டாம் கட்ட தேர்தல் பரப்புரை பட்டியல் வெளியீடு

நாடாளுமன்ற மக்களவைத் தேர்தலுக்காக அதிமுக பொதுச்செயலாளர் எடப்பாடி பழனிச்சாமி கலந்து கொள்ளும் இரண்டாம் கட்ட தேர்தல் பிரச்சார சுற்றுப்பயண விவரம் வெளியிடப்பட்டுள்ளது.

அதன்படி, ஏப்ரல் 1 ஆம் தேதி முதல் 15ஆம் தேதி வரை நடைபெற உள்ளது. இரண்டாம் கட்ட பரப்புரை ஏப்ரல் ஒன்றாம் தேதி மாலை 4 மணிக்கு அரக்கோணம் நாடாளுமன்ற தொகுதியில் சோளிங்கர் பகுதியில் பொதுக்கூட்டம் நடைபெற உள்ளது. அதே நாளில் இரவு 7:00 மணிக்கு வேலூர் நாடாளுமன்ற தொகுதியில் கந்தனேரி கிராமம் பள்ளி கொண்டா பகுதியிலும்,

ஏப்ரல் 2ஆம் தேதி மாலை 4 மணிக்கு கிருஷ்ணகிரி நாடாளுமன்ற தொகுதியில் கார் நேசன் திடல் கிருஷ்ணகிரி கிராமம் பகுதியிலும் அன்று இரவு 7:00 மணிக்கு தர்மபுரி நாடாளுமன்ற தொகுதியில் வள்ளலார் மைதானம் நேதாஜி பைபாஸ் ரோடு பகுதியில் பொதுக்கூட்டம் நடைபெற உள்ளது. ஏப்ரல் 3ஆம் தேதி கரூர் நாடாளுமன்ற தொகுதியில் மாலை 4 மணிக்கு திருவள்ளூர் மைதானம் பகுதியில் பொதுக்கூட்ட பரப்புரை நடைபெற உள்ளது.

இரவு 7:00 மணிக்கு நாமக்கல் நாடாளுமன்ற தொகுதி நாமக்கல் நகரம் பகுதியில் பொதுக்கூட்டம் நடைபெறும். அந்த வரிசையில் ஏப்ரல் 7 ஆம் தேதி திருவள்ளூர் தனி தொகுதியில் மாலை 4 மணிக்கு திருவள்ளூர் நகரம் பகுதியில் பரப்புரை நடைபெற உள்ளது. அதே நாளில் பெரவலூர் சந்திப்பு கொளத்தூர் பகுதியில் வட சென்னை நாடாளுமன்ற தொகுதிக்கான பிரச்சார கூட்டம் நடைபெற உள்ளது. ஏப்ரல் 8 ஆம் தேதி இரவு 7 மணிக்கு மதுரை நாடாளுமன்ற தொகுதியில் ஜெயம் தியேட்டர் அருகில் பழங்காநத்தம் பகுதியில் பொதுக்கூட்டம் நடைபெற உள்ளது.

இறுதியாக ஏப்ரல் 15 ஆம் தேதி மத்திய சென்னை பகுதியில் மாலை 4 மணிக்கு டானா தெரு புரசைவாக்கத்தில் பொதுக்கூட்டமும் தொடர்ந்து இரவு 7 மணிக்கு சென்னை தெற்கு நாடாளுமன்ற தொகுதி சின்னமலை வேளச்சேரி ரோடு பகுதியில் பொதுக்கூட்டம் நடைபெற உள்ளது.