அமமுகவுக்கு குக்கர் சின்னம் ஒதுக்கீடு

அம்மா மக்கள் முன்னேற்ற கழகம் நாடாளுமன்ற மக்களவைத் தேர்தலில் பாரதிய ஜனதா கட்சியுடன் கூட்டணி அமைத்து தேர்தலில் போட்டியிட உள்ளது. கடந்த 2019 ஆம் ஆண்டு நாடாளுமன்ற தேர்தலில் தமிழ்நாட்டில் உள்ள 39 தொகுதிகள் மற்றும் புதுச்சேரி தொகுதி உட்பட 40 தொகுதிகளிலும் தனித்து போட்டியிட்டது அம்மா மக்கள் முன்னேற்ற கழகம். இந்த நாடாளுமன்றத் தேர்தலில் பாஜகவுடன் கூட்டணி அமைத்து இரண்டு தொகுதிகளில் போட்டியிட உள்ளதாக இன்று அதிகாரப்பூர்வமாக அறிவிப்பு வெளியாகி உள்ளது. இந்நிலையில் நாடாளுமன்ற மக்களவைத் தேர்தலில் அம்மா மக்கள் முன்னேற்ற கழகம் தேர்தல் ஆணையத்திடம் கேட்டிருந்த குக்கர் சின்னம் இன்று ஒதுக்கீடு செய்யப்பட்டுள்ளது. இந்த நாடாளுமன்ற தேர்தலில் அம்மா மக்கள் முன்னேற்ற கழகம் குக்கர் சின்னத்தில் போட்டியிட உள்ளது.