அமமுக வேட்பாளர்கள் நாளை தேனியில் அறிவிப்பு - டி டி வி தினகரன்

நாடாளுமன்ற மக்களவைப் பொதுத் தேர்தலில் தேனி மற்றும் திருச்சிராப்பள்ளி நாடாளுமன்ற தொகுதிகளில் அம்மா மக்கள் முன்னேற்ற கழகத்தின் வேட்பாளர்கள் பெயரை நாளை தேனியில் பொதுச்செயலாளர் டிடிவி தினகரன் அறிவிக்க உள்ளார். அமமுக பொதுச்செயலாளர் டிடிவி தினகரன் நாளை காலை 8 மணி அளவில் தேனி நாடாளுமன்ற தொகுதிக்குட்பட்ட G.கல்லுப்பட்டி அருள்மிகு பாட்டாளம்மன் கோவில் அருகில் தேனி மற்றும் திருச்சி நாடாளுமன்ற தொகுதி வேட்பாளர்களை அறிவிக்கிறார். தொடர்ந்து தேனி நாடாளுமன்ற தொகுதியில் முதல் கட்ட தேர்தல் பிரச்சாரத்தை தொடங்குகிறார்.நாளை காலை 8 மணிக்கு பெரியகுளம் சட்டமன்ற தொகுதிக்குட்பட்ட ஜி கல்லுப்பட்டி, கெங்குவார் பேரூராட்சி தொடர்ந்து மாலை 6:00 மணிக்கு போடிநாயக்கனூர் மற்றும் கம்பம் சட்டமன்ற தொகுதி, 25 ஆம் தேதி மாலை பெரியகுளம் சட்டமன்ற தொகுதி, 26 ஆம் தேதி மாலை கம்பம் மற்றும் ஆண்டிப்பட்டி சட்டமன்ற தொகுதி, 27 மற்றும் 28 ஆம் தேதி மாலை ஆண்டிப்பட்டி சட்டமன்ற தொகுதி, 29ஆம் தேதி மாலை உசிலம்பட்டி சட்டமன்ற தொகுதி. இறுதியாக 30 மற்றும் 31 ஆம் தேதிகளில் சோழவந்தான் சட்டமன்ற தொகுதிகளிலும் தேர்தல் பரப்புரை மேற்கொள்ள உள்ளார்.