பாஜக சார்பில் கவன ஈர்ப்பு ஆர்ப்பாட்டம்

ஆற்காடு நகராட்சி மற்றும் பொதுப்பணி துறை கண்டித்து பாரதிய ஜனதா கட்சியின் சார்பில் கவன ஈர்ப்பு ஆர்ப்பாட்டம் நடைபெற்றது.. ராணிப்பேட்டை மாவட்டம், ஆற்காடு பாரதிய ஜனதா கட்சி சார்பில் ஆற்காடு பேருந்து நிலையத்தில் நகராட்சி மற்றும் பொதுப்பணித்துறையினை கண்டித்து கவன ஈர்ப்பு கோரிக்கை ஆர்ப்பாட்டம் ஆற்காடு நகர பாஜக தலைவர் பாஸ்கரன் தலைமையில் நடைபெற்றது.

இந்த கவன ஈர்ப்பு கோரிக்கை ஆர்ப்பாட்டத்தில் நகரப் பகுதியில் குண்டும் குழியமாக உள்ள சாலைகளை உடனடியாக அமைத்திட வலியுறுத்தியும், கழிவுநீர் கால்வாய்களை சீரமைத்திடவும், ஏரியில் கழிவுநீர் கலப்பதை தடுத்திட வலியுறுத்தி உள்ளிட்ட பல்வேறு கோரிக்கைகளை வைத்து கவனயீர்ப்பு ஆர்ப்பாட்டம் நடைபெற்றது. இந்நிகழ்ச்சியில் பாரதிய ஜனதா கட்சியின் மாவட்ட தலைவர் விஜயன் உட்பட கட்சியின் நிர்வாகிகள் தொண்டர்கள் என பலர் கலந்து கொண்டனர்.