அரக்கோணம்: லாரி மோதி பெண் பலி!

ராணிப்பேட்டை மாவட்டம் அரக்கோணத்தை அடுத்த தண்டலம் பகுதியை சேர்ந்தவர் பழனி. இவரது மனைவி சுமதி (43). இவர், சித்தேரி பஸ் நிறுத்தம் பகுதியில் சாலையை கடக்க முயன்ற போது,அரக்கோணத்தில் இருந்து சோளிங்கர் நோக்கி சென்ற லாரி திடீரென சுமதி மீது மோதியது. அதில் அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்ததும் அரக்கோணம் தாலுகா போலீசார் சம்பவ இடத்துக்கு சென்று உடலை கைப்பற்றி பிரேத பரிசோதனைக்காக அரக்கோணம் அரசு மருத்துவமனைக்கு அனுப்பி வைத்தனர். இதுதொடர்பாக போலீசார் விசாரணை நடத்தி வருகின்றனர்.