காவலரை தாக்கிய இராணுவ வீரர் கைது

அரியலூர் மாவட்டம் கச்சிபெருமாள் கிராமத்தை சேர்ந்தவர் கலையரசன். இவர் இராணுவத்தில் அவில்தாராக பணியாற்றி வருகிறார். இந்நிலையில் விடுமுறை காரணமாக சொந்த ஊருக்கு வந்தவர் மதுபோதையில் அவரது மனைவியுடன் தகராறில் ஈடுபட்டு வந்துள்ளார். இதனையடுத்து கலையரசனை அவரது மனைவி வீட்டில் வைத்து பூட்டிவிட்டு தனது குடும்பத்தினரிடம் இதுகுறித்து கூறி உள்ளார்.

இந்நிலையில் தன்னை வீட்டு சிறையில் அடைத்து உள்ளதாகவும், எனவே என்னை விடுவிக்க வேண்டும் உடையார்பாளையம் காவல் துறையினருக்கு கலையரசன் தகவல் தெரிவித்துள்ளார். இதனையடுத்து சம்பவ இடத்திற்கு சென்ற போலீசார் அவரை விடுவித்து உள்ளனர். அப்போது கலையரசன் அவரது மைத்துனரை தாக்கி உள்ளார். இதனை தடுத்த காவலரை, நான் ஒரு இராணுவ வீரன் என்மீது எப்படி கை வைத்தாய் என அவரை கன்னத்தில் அறைந்து உள்ளார். இதனையடுத்து போலீசார் கலையரசனை இன்று கைது செய்து விசாரணை மேற்கொண்டு வருகின்றனர்.