பைக்குகள் நேருக்கு நேர் மோதியதில் ஆட்டோ டிரைவர் பலி

சேலம் அன்னதானப்பட்டி பந்தல் காளியம்மன் கோயில் தெருவை சேர்ந்தவர் ஆட்டோ டிரைவர் அல்லாபகஷ் (46). நேற்று இரவு ஓமலூர் பிரதான சாலையில் கலெக்டர் அலுவலகம் நோக்கி டி.வி.எஸ்., விக்டர் பைக்கில் சென்று கொண்டிருந்தார். அண்ணா பூங்கா ஒட்டி சென்டர் மீடியன் பகுதியில் வந்த போது மற்றொரு பைக் மோதியது. இதில் தூக்கி வீசப்பட்டதில் படுகாயம் அடைந்த அல்லா பகஷை பொதுமக்கள் மீட்டு சேலம் அரசு மருத்துவமனைக்கு அனுப்பி வைத்தனர். அங்கு அவரை பரிசோதனை செய்த டாக்டர்கள், அவர் வரும் வழியிலேயே இறந்து விட்டதாக தெரிவித்தனர். இது குறித்து அஸ்தம்பட்டி போலீசார் வழக்கு பதிவு செய்து விசாரிக்கின்றனர்.