வாக்குச்சாவடி அலுவலர்களுக்கான பயிற்சி வகுப்பு நிறைவு

பாராளுமன்ற பொது தேர்தலை முன்னிட்டு அணைக்கட்டு சட்டமன்ற தொகுதிக்கு உட்பட்ட வாக்குச்சாவடிகளில் பணிபுரிய உள்ள வாக்குச்சாவடி அலுவலர்களுக்கான மூன்றாம் கட்ட பயிற்சி வகுப்பு பார்க் மெட்ரிகுலேஷன் பள்ளியில் நடந்தது. அதனை வேலூர் மாவட்ட தேர்தல் நடத்தும் அலுவலர் சுப்புலட்சுமி நேரில் பார்வையிட்டு ஆய்வு செய்து தேர்தல் பணியில் ஈடுபட உள்ள வாக்குச்சாவடி அலுவலர்களுக்கு பணி ஆணைகளை வழங்கி ஆலோசனைகளை வழங்கினார். இந்த நிகழ்வின்போது கூடுதல் தேர்தல் நடத்தும் அலுவலரும் வேலூர் மாவட்ட வருவாய் அலுவலருமான மாலதி மற்றும் அணைக்கட்டு உதவி தேர்தல் நடத்தும் அலுவலர் முருகன் ஆகியோர் உடன் இருந்தனர்.