சேலத்தில் பதக்கம் வென்ற மாணவர்களுக்கு வாழ்த்து

சேலம் சகோதயா சார்பில் நடத்தப்பட்ட கால்பந்து, கூடைப்பந்து, சிலம்பம், செஸ், ஜிம்னாஸ்டிக் உள்ளிட்ட பல்வேறு விளையாட்டு போட்டிகளில் செயின்ட் ஜான்ஸ் சி.பி.எஸ்.இ. பள்ளி மாணவர்கள் முதல் மற்றும் இரண்டாமிடம் பிடித்தும், மேலும் மாநில, தேசிய போட்டிகளிலும் பங்கேற்று கோப்பைகள் பெற்றும் சாதனை படைத்தனர்.

இந்த மாணவர்கள் சேலம் மறைமாவட்ட ஆயர் அருள்செல்வம் ராயப்பன், முதன்மைகுரு மைக்கேல் ராஜ்செல்வம், பொருளாளர் ஜேக்கப் ஆகியோரிடம் கோப்பைகளை காண்பித்து வாழ்த்து பெற்றனர். அப்போது பள்ளி முதல்வர் ஸ்டேன்லி உள்ளிட்டோர் உடன் இருந்தனர்.