கார் மோதிய விபத்தில் சிஆர்பிஎப் வீரர் பலி

நெல்லை மாவட்டம் சித்தர் சத்திரம், வடக்கு தெருவைச் சேர்ந்தவர் யாக்கோபு மகன் நாராயணசாமி (31). இவர், மத்திய சேமக் காவல் படையில் (சிஆர்பிஎப்) பணிபுரிந்து வருகிறார். தற்போது விடுமுறையில் சொந்த ஊருக்கு வந்துள்ளார். இந்நிலையில் நேற்று மாலை கயத்தாறு அருகே சன்னது புதுக்குடி நாற்கர சாலையில் நடந்து சென்ற போது சுமோ கார் அவர் மீது மோதிவிட்டு நிற்காமல் சென்று விட்டது. இதில் பலத்த காயம் அடைந்த அவர் திருநெல்வேலி அரசு மருத்துவமனையில் அனுமதிக்கப்பட்டார்.

அங்கு சிகிச்சை பலனின்றி நேற்றிரவு இறந்தார். இது குறித்து கயத்தாறு காவல் நிலைய இன்ஸ்பெக்டர் திருமுருகன் வழக்கு பதிவு செய்து விசாரணை நடத்தி வருகிறார். விபத்தில் இறந்த நாராயணசாமிக்கு மணிமேகலை என்ற மனைவியும் அபிமேனி (8), அபிநந்தன் (6) என இரண்டு ஆண் குழந்தைகளும் உள்ளனர்.