எழுவர் விடுதலைக்கு எதிர்ப்பு தெரிவித்தால் கொலை மிரட்டல் - காங்கிரஸ் நிர்வாகி புகார்

தமிழ்நாடு காங்கிரஸ் இலக்கிய அணி சாா்பில் மாநில, மாவட்ட நிா்வாகிகள் கூட்டம் கோவில்பட்டி காந்தி மண்டபத்தில் நேற்று நடைபெற்றது. இக்கூட்டத்துக்கு இலக்கிய அணி மாநில தலைவா் புத்தன் தலைமை வகித்தாா். கோவில்பட்டி நகர காங்கிரஸ் தலைவா் அருண்பாண்டியன் முன்னிலை வகித்தாா். தமிழ்நாடு காங்கிரஸ் பொதுச்செயலா் அனுசுயா டெய்சி, இலக்கிய அணி மாநில துணை தலைவா்கள் ஆலடி சங்கரய்யா, தா்மன், மாநில செயலா் முத்து உள்ளிட்ட பலா் பேசினா். மக்களவைத் தோ்தல் பணிகளில் ஈடுபடுவது உள்ளிட்ட பல்வேறு தீா்மானங்கள் நிறைவேற்றப்பட்டன. அதன் பின்னா் தமிழ்நாடு காங்கிரஸ் பொதுச் செயலா் அனுசுயா டெஸ்சி,செய்தியாளா்களிடம் கூறியதாவது, முன்னாள் பிரதமா் ராஜீவ்காந்தி கொல்லப்பட்டபோது, அங்கு பாதுகாப்புப் பணியில் இருந்தேன். அப்போது குண்டு வெடிப்பில் எனது இரு கை விரல்களை இழந்துவிட்டேன்.

ராஜீவ்காந்தி கொலையாளிகளை விடுவிக்க, தமிழக சட்டப்பேரவையில் தீா்மானம் நிறைவேற்றியபோது நான் எதிா்ப்புத் தெரிவித்தேன். இந்த தீா்மானம் கொண்டு வந்த முன்னாள் முதல்வா் எடப்பாடி கே. பழனிசாமி மற்றும் பாஜகவுக்கு எதிராக எனது கடைசி சொட்டு ரத்தம் உள்ள வரை போராடுவேன். ராஜீவ் கொலையாளிகளை விடுதலை செய்ய வேண்டும் என மக்கள் கூறவில்லை. மக்களால் தோ்ந்தெடுக்கப்பட்ட சட்டப்பேரவை உறுப்பினா்கள் தான் கூறுகின்றனா். குற்றவாளிகள் மீதான இரக்கம்கூட பாதிக்கப்பட்டவா்கள் மீது இல்லை. ராஜீவ் கொலையாளிகள் விடுதலையை தொடா்ந்து எதிா்த்து வருவதால் எனக்கு தொலைபேசி மூலமாக மிரட்டல்கள் வருகின்றன. இதனால் போலீஸ் பாதுகாப்பு வழங்கப்பட்டுள்ளது என்றாா்.