திமுக- காங் கூட்டணி சுமூகமாக இருக்கிறது - இளங்கோவன்

ஈரோட்டில் என்றும் தமிழர் தலைவர் என்ற நூல் அறிமுக விழா நடைபெற்றது. இதில் காங்கிரஸ் முன்னாள் தலைவர் ஈவிகேஎஸ் இளங்கோவன் , சுப.வீரபாண்டியன் , எம்.பி கணேசமூர்த்தி ஆகியோர் கலந்து கொண்டனர்.

கூட்டத்திற்கு பின்னர் செய்தியாளர்களை சந்தித்த ஈவிகேஎஸ் இளங்கோவன் , பாஜக சார்பில் முதல் கட்ட வேட்பாளர் பட்டியல் வெளியிடப்பட்டிருக்கிறது , யார் தோற்பார்கள் என்ற பட்டியலை அறிவித்திருக்கிறார்கள் என்றார். திமுக காங்கிரஸ் கூட்டணி சுமூகமாக இருக்கிறது இரண்டொரு நாட்களில் எந்தெந்த தொகுதிகள் என்பது வெளியிடப்படும் கூட்டணி பேச்சு வார்த்தையில் எந்த இழுபறியும் இல்லை என்றும் , காங்கிரசில் இருந்த சில கெட்ட மோசமான சக்திகள் காங்கிரசை தூய்மைபடுத்துவதற்காக வெளியேறி இருக்கிறார்கள் அவர்களுக்கு நன்றிகள் என்ற ஈவிகேஎஸ் இளங்கோவன் , அதிமுகவில் உள்ள சமூக விரோதிகள் பட்டியலை எடுத்தால் தமிழ்நாட்டில் பாஜகவிற்கு பிறகு அதிகமான குற்றவாளிகள் இருப்பது எடப்பாடியோடு தான் என்றார்.