தேமுதிகவில் 5 பேர் கொண்ட தேர்தல் குழு ?..

நாடாளுமன்றத் தேர்தலை எதிர்கொள்ள அனைத்து அரசியல் கட்சிகள் தேர்தல் குழு அமைத்து, தொகுதி பங்கீடு குறித்து பேச்சுவார்த்தையில் ஈடுபட்டு வருகின்றனர். அந்த வகையில் கடந்த ஒரு வாரத்திற்கு முன்பாக தேமுதிக தலைமை அலுவலகத்தில் மாவட்ட செயலாளர்கள் கூட்டம் நடைபெற்றது. அந்தக் கூட்டத்தில் யாருடன் கூட்டணி வைப்பது மற்றும் வேட்பாளர் குறித்து மாவட்ட செயலாளர்களிடம் ஆலோசனை நடைபெற்றது.

அதனைத் தொடர்ந்து தேர்தல் குழு அமைக்க கடந்த நான்கு நாட்களாக ஆலோசனை நடைபெற்று வந்தது. கடந்த நாடாளுமன்றத் தேர்தல் குழுவிலில் மூன்று நபரும், புதிதாக இரண்டு நபர்கள் என ஐந்து பேர் கொண்ட தேர்தல் குழு உருவாக்கப்பட்டுள்ளதாக தகவல் வெளியாகியுள்ளது.

தேமுதிக துணைச் பொதுச் செயலாளர் சுதீஷ், முன்னாள் தேர்தல் குழு தலைவர் கிருஷ்ணமூர்தத்தி, முன்னாள் எம்.எல்.ஏ மோகன் ராஜ் என மூன்று பேர் ஏற்கனவே குழுவில் இடம் பெற்றவர்கள். தற்போது புதிய நபர்களாக காஞ்சிபுரம் மாவட்ட செயலாளர் எல்.வெங்கடேசன், சேலம் மாவட்ட செயலாளர் இளங்கோவன் என ஐந்து பேர், தேர்தல் குழுவில் இடம் பெறவுள்ளதாக தகவல் வெளியாகியுள்ளது. தேர்தல் குழு குறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.