கார் மோதி விவசாயி பலி :டிரைவர் கைது

விருதுநகர் மாவட்டம், இருக்கன்குடி கிராமம் மேல தெருவைச் சேர்ந்தவர் கருப்பன் மகன் கருப்பசாமி (73). விவசாயி இவர் தூத்துக்குடி மாவட்டம் எட்டயபுரம் அருகில் உள்ள மேலக்கரந்தை பேருந்து நிறுத்தத்தில் நின்று கொண்டிருந்தபோது அந்த வழியாக வந்த ஒரு கார் இவர் மீது மோதியதில் பலத்த காயம் அடைந்தார். உடனடியாக அவரை மீட்டு கோவில்பட்டி அரசு மருத்துவமனைக்கு கொண்டு சென்றனர்.

அங்கு சிகிச்சை பலனளிக்காமல் பரிதாபமாக இறந்தார். இந்த சம்பவம் குறித்து மாசார்பட்டி காவல் நிலைய இன்ஸ்பெக்டர் சாந்தி வழக்கு பதிவு செய்து காரை ஓட்டி வந்த கோவில்பட்டி கீழ பாண்டவர்மங்கலம் வேதநாயகம் மகன் ஜெயக்குமார் (43) என்பரை கைது செய்து விசாரணை நடத்தி வருகிறார்.