புனல்வாசல் அருகே காய்ச்சல் தடுப்பு மருத்துவ முகாம் 

தஞ்சாவூர் மாவட்டம், பேராவூரணி வட்டாரம், குறிச்சி ஆரம்ப சுகாதார நிலையத்துக்குட்பட்ட புனல்வாசல், வாடிக்காடு அங்கன்வாடி மைய வளாகத்தில் சிறப்பு காய்ச்சல் மருத்துவ முகாம் நடைபெற்றது. செருவாவிடுதி வட்டார மருத்துவ அலுவலர் எஸ்.அருள் தலைமையில் மருத்துவ அலுவலர் எம்.தீபா மற்றும் மருத்துவ குழுவினர் முகாமில் கலந்து கொண்டவர்களை பரிசோதனை செய்து சிகிச்சையும் ஆலோசனையும் வழங்கினர்.

வட்டார சுகாதார மேற்பார்வையாளர் எஸ்.சந்திரசேகரன், சுகாதார ஆய்வாளர் எம்.பூவலிங்கம், மாவட்ட ஊராட்சிக் குழு உறுப்பினர் ஏ.மூர்த்தி, ஊராட்சி மன்றத் தலைவர் சிவசம்பாள் ராமராஜ், ஊராட்சி செயலர் சத்தியராஜ் மற்றும் பொதுமக்கள் முகாமில் கலந்து கொண்டனர்.