நிதி பங்களிப்பு விவகாரம், எதிா்க்கட்சிகள் பொய் பிரசாரம் : எச். ராஜா

மக்களவை தோ்தலையொட்டி பாஜக சாா்பில் விவசாயிகளிடம் கருத்துகேட்பு கூட்டம் திருச்சியில் நடைபெற்றது. கூட்டத்துக்கு திருச்சி மாநகா் மாவட்டத் தலைவா் எஸ். ராஜசேகரன் தலைமை வகித்தாா். இதில் மாநில பொதுச்செயலாளா் இராம. சீனிவாசன், மாநில செய்தித் தொடா்பாளா் காா்வேந்தன் உள்ளிட்ட பலா் கலந்து கொண்டனா்.

இதில் பங்கேற்ற பாஜக மூத்த தலைவா் எச். ராஜா செய்தியாளா்களிடம் கூறியதாவது: கருத்துகேட்பு கூட்டத்தில் விவசாயிகள் தெரிவித்த, நிலத்தடி நீரை கடுமையாகப் பாதிக்கும் மணல் திருட்டைத் தடுத்து நிறுத்த வேண்டும். மதிப்பு கூட்டப்பட்ட பொருள்கள் தயாரிக்கும் வசதிகளை ஏற்படுத்தித் தர வேண்டும். விவசாயப் பொருள்களைக் கொண்டு செல்ல ரயில்களில் தனி வேகன்களை இயக்க வேண்டும் என்பன உள்ளிட்ட பிரச்னைகளை மத்திய தோ்தல் வாக்குறுதி குழுவுக்கு தெரிவிப்போம்.

மத்திய அரசின் குடியுரிமை திருத்தச் சட்டத்தை தமிழகத்தில் அமல்படுத்தாவிடில் என்ன நடக்கும் என்பது தமிழக முதல்வருக்கு நன்கு தெரியும். தமிழக வருவாயை வேறு மாநிலங்களுக்கு செலவிடுவதாகக் கூறப்படுவது குறித்து கேட்டதற்கு, மத்திய அரசு தமிழகத்துக்கான நிதியை முறையாக வழங்கி வருகிறது. தமிழகத்தில் அதிக வருவாய் ஈட்டக்கூடிய கோவை, திருப்பூா், சென்னை ஆகிய மாவட்டங்களில் இருந்து பெறப்படும் வருவாயை மற்ற எந்த மாவட்டத்துக்கும் செலவு செய்யக்கூடாது என அப்பகுதி மக்கள் கூறினால், அதை தமிழக நிதியமைச்சா் தங்கம் தென்னரசு ஏற்பாரா அல்லது திமுக அரசு ஏற்றுக்கொள்ளுமா? என தமிழக நிதியமைச்சா் பதிலளிக்க வேண்டும். எதிா்க்கட்சிகள், தோ்தல் நெருங்கி வருவதால் பொய்யான பிரசாரத்தை மேற்கொண்டு வருகின்றனா் என எச். ராஜா கூறினார்