கமல்ஹாசனை சந்தித்து வாழ்த்து பெற்ற, தோழமைக் கட்சி வேட்பாளர்கள்

மக்கள் நீதி மையும் கட்சியின் ஊடகப் பிரிவு வெளியிட்டுள்ள செய்தி குறிப்பில் இன்று (07.06.2024) மக்கள் நீதி மய்யம் கட்சித்தலைவர் கமல் ஹாசன் அவர்களை, திருச்சி நாடாளுமன்றத் தொகுதியில் வெற்றிபெற்ற மறுமலர்ச்சி திராவிட முன்னேற்றக்கழக வேட்பாளர் துரை வைகோ அவர்கள், தலைவர் நம்மவரின் அலுவலகத்தில் சந்தித்து வாழ்த்துப்பெற்றார். அத்துடன் திருச்சியில் அவரை ஆதரித்து நம்மவர் பரப்புரை செய்தமைக்கு நன்றி தெரிவித்துக்கொண்டார். அவருடன், மறுமலர்ச்சி திராவிட முன்னேற்றக்கழக நிர்வாகிகள் ஜீவன், கே.கழக குமார், சைதை ப.சுப்பிரமணி, டி.சி. ராஜேந்திரன், எஸ்.சூரியகுமார் மற்றும் மக்கள் நீதி மய்யம் கட்சி பொதுச்செயலாளர் ஆ.அருணாச்சலம் அவர்கள் உடனிருந்தார்.