கஞ்சா குடிப்பதை தட்டிக்கேட்டதால் பெட்ரோல் குண்டு வீச்சு - பரபரப்பு

திருப்பத்தூர் மாவட்டம் வாணியம்பாடி நேதாஜி நகர் பகுதி சேர்ந்தவர் சவுக்கத் அலி .இவர் அதே பகுதியில் சூப்பர் மார்க்கெட் நடத்தி வருகிறார். இந்நிலையில் அதே பகுதியை சேர்ந்த யூசுப் என்ற இளைஞர் கடை முன்பு கஞ்சா புகைப்பது மற்றும் மதுபானம் அருந்தி கொண்டிருப்பதை சவுக்கத் அலி தட்டி கேட்டுள்ளார். இதனால் ஆத்திரமடைந்த யூசுப், மது பாட்டிலில் எரிபொருள் நிரப்பி தீயை பற்றவைத்து கடை மீது வீசிவிட்டு தப்பி சென்றுள்ளனர். பின்னர் இது குறித்து சவுக்குத் அலி வாணியம்பாடி நகர காவல் நிலையத்தில் புகார் அளித்தார். இச்சம்பவம் குறித்து வழக்குபதிவு செய்த காவல்துறையினர் கடையில் உள்ள சிசிடிவி காட்சிகளை வைத்து மதுபாட்டிலில் எரிபொருள் நிரப்பி தீ வைத்து வீசிய நபரை தேடி வருகின்றனர். இதுகுறித்த சிசி டிவி காட்சிகள் வெளியாகி பரபரப்பை ஏற்படுத்தியுள்ளது.