சிறுமி பாலியல் வன்கொடுமை - முதியவர் கைது

மேட்டூர் அருகே ஜலகண்டாபுரம் குப்பம்பட்டி பகுதியில் சேர்ந்த தம்பதியினர் கூலி வேலை செய்து வருகின்றனர். தம்பதியினருக்கு 12 வயதில் பெண் குழந்தை உள்ளது. சிறுமியின் வயிறு பெரிதாகக் காணப்பட்டதால் சந்தேகம் அடைந்த பெற்றோர்கள் மருத்துவமனைக்கு அழைத்துச் சென்று பரிசோதித்தபோது சிறுமி கர்பம் அடைந்ததாக மருத்துவர்கள் தெரிவித்தனர். இதனால் அதிர்ச்சி அடைந்த பெற்றோர்கள் சிறுமியிடம் கேட்டபோது அப்பகுதியை சேர்ந்த முருகேசன்(52) பாலியல் வன்கொடுமை செய்ததாகச் சிறுமி தெரிவித்துள்ளார். இதனை அடுத்து பெற்றோர்கள் காவல் நிலையத்தில் அளித்த புகாரில் முருகேசனை கைது செய்த போலீசார் அவரிடம் நடத்திய விசாரணையில், சிறுமியின் பெற்றோர்கள் வேலைக்காக அடிக்கடி வெளியூர் சென்ற நிலையில் சிறுமி வீட்டில் தனியாக இருந்துள்ளார். இதனைத் தெரிந்து கொண்ட முதியவர் முருகேசன் பலமுறை சிறுமியைப் பாலியல் வன்கொடுமை செய்துள்ளது போலீசார் விசாரணையில் தெரியவந்தது. இதனை அடுத்து முதியவர் முருகேசன் மீது போக்ஸோ வழக்குப்பதிவு செய்த போலீசார் நீதிமன்றத்தில் ஆஜர் படுத்தி சேலம் மத்திய சிறையில் அடைத்தனர்.