ஆளுநர் ஆர்.என்.ரவி ஊட்டி வருகை

நீலகிரி மாவட்டம் ஊட்டியில் உள்ள ராஜ்பவன் மாளிகையில் வரும் 27 மற்றும் 28ம் தேதிகளில் துணை வேந்தர்கள் மற்றும் தனியார் பல்கலைக்கழக மாநாடு நடைபெற உள்ளது. இதில் பங்கேற்க தமிழக ஆளுநர் ஆர்.என் ரவி 25-ம் தேதி மதியம் சென்னையில் இருந்து விமானம் மூலம் கோவை வருகிறார்.

அங்கிருந்து சாலை மார்க்கமாக மேட்டுப்பாளையத்தில் உள்ள வனக் கல்லூரிக்கு வரும் அவர் 2 மணி நேர ஓய்வுக்கு பிறகு மாலை 6 மணியளவில் ஊட்டி ராஜ்பவன் வருகிறார். 26-ம் தேதி ராஜ்பவனில் ஓய்வெடுக்கும் ஆளுநர், 27 மற்றும் 28-ம் தேதிகளில் துணை வேந்தர்கள் மற்றும் தனியார் பல்கலைக்கழக மாநாட்டில் கலந்து கொள்கிறார்.

29-ம் தேதி கோடநாடு காட்சி முணை செல்லும் ஆளுநர் ஆர்.என் ரவி அடுத்த நாள் 30-ம் தேதி ஊட்டி ராஜ்பவனில் இருந்து காலை 11.15 மணியளவில் ஊட்டியில் இருந்து கார் மூலம் மேட்டுப்பாளையம் வனக் கல்லூரி சென்று ஓய்வெடுத்து விட்டு காரில் கோவை செல்லும் அவர் மதியம் சுமார் 3 மணியளவில் சென்னைக்கு கிளம்ப உள்ளார்.