சேலம் பள்ளப்பட்டியில் மோட்டார்சைக்கிள்கள் தீ வைத்து எரிப்பு

சேலம் பள்ளப்பட்டி 3 ரோடு பகுதியை சேர்ந்தவர் கலிஸ். இவரது பக்கத்து வீட்டை சேர்ந்தவர் ஜீவா. இவர்கள் இருவரும் வீட்டின் முன்பு தங்களுக்கு சொந்தமான மோட்டார் சைக்கிள்களை நிறுத்தி இருந்தனர். இந்த மோட்டார் சைக்கிள்கள் இன்று காலை 5.30 மணி அளவில் திடீரென தீப்பிடித்து எரிந்தது.

இதனை பார்த்த அவர்கள் தீயை அணைக்க முயன்றனர். ஆனாலும் மோட்டார்சைக்கிள் பெரும் பகுதி தீயில் எரிந்து சேதமானது. இதுகுறித்து பள்ளப்பட்டி போலீசில் கொடுத்த புகாரின் பேரில் போலீசார் விசாரணை நடத்தி வருகிறார்கள். யாரோ மர்ம நபர்கள் முன்விரோதத்தில் மோட்டார்சைக்கிளுக்கு தீ வைத்து இருக்கலாம் என்று கூறப்படுகிறது.

இது தொடர்பாக போலீசார் விசாரணை நடத்தி அந்த பகுதியில் உள்ள கேமரா பதிவுகளையும் ஆய்வு செய்து வருகிறார்கள்.