ஆடுகளை கடித்துக் கொன்ற சிறுத்தை- விவசாயிகள் பீதி

ஈரோடு மாவட்டம், சத்தியமங்கலம் அடுத்த தாளவாடி அருகே கும்டாபுரம் கிராமத்தில் முகமது இம்ரான்(37) என்பவருக்கு சொந்தமான மூன்று ஆடுகளை விவசாயத் தோட்டத்துக்குள் புகுந்த சிறுத்தை ஒன்று பட்டப்பகலில் கடித்துக்கொன்றது.இந்த சம்பவத்தால் அப்பகுதி விவசாயிகள் பீதி அடைந்துள்ளனர்.கால்நடைகளை வேட்டையாடி வரும் சிறுத்தையை தாளவாடி வனத்துறையினர் கூண்டு வைத்து பிடிக்க வேண்டும் என விவசாயிகள் கோரிக்கை வைத்துள்ளனர்.