மக்களவை தேர்தல் : திமுக வேட்பாளர் நேர்காணல்

நாடாளுமன்ற தேர்தலில் திமுக சார்பில் வேட்பாளராக போட்டியிட விருப்பம் தெரிவித்து 2984 விருப்பமனு தாக்கல் செய்யப்பட்டுள்ளது.. விருப்பமனு தாக்கல் செய்தவர்களிடம் திமுக தலைவர் மு.க.ஸ்டாலின் நேர்காணல் நடத்தினார். நேர்காணலின்போது, தொகுதி நிலவரம், வெற்றி வாய்ப்புகள் குறித்து திமுக தலைவர் மு.க.ஸ்டாலின் கேட்டறிந்தார். நேர்காணலில் விருப்பமனு தாக்கல் செய்தவர்கள், அந்தந்த நாடாளுமன்ற தொகுதி மாவட்ட செயலாளர்கள் மட்டுமே கலந்து கொள்ள வேண்டும்.. பரிந்துரையாளர்கள், ஆதரவாளர்களுக்கு அனுமதி இல்லை என திமுக தலைமை அறிவித்திருந்தது. நாடாளுமன்றத் தேர்தலில் 21 மக்களவை தொகுதிகளில் திமுக போட்டியிடுகிறது..வேட்பாளர் தேர்வுக்கான நேர்காணல் நிறைவு பெற்ற நிலையில் திமுக வேட்பாளர் பட்டியல் விரைவில் வெளியாகும் என தகவல் வெளியாகியுள்ளது.