மார்க்சிஸ்ட் கம்யூனிஸ்ட் கட்சி மாநில செயற்குழு கூட்டம்

சென்னை தியாகராய நகரில் உள்ள மார்க்சிஸ்ட் கம்யூனிஸ்ட் கட்சியின் தலைமை அலுவலகத்தில் காலை 10 மணிக்கு 15 பேர் கொண்ட மாநில செயற்குழுக் கூட்டமும் அதைத்தொடர்ந்து காலை 11 மணிக்கு 85 பேர் மாநில குழு கூட்டமும் நடைபெறுகிறது. தமிழகத்தில் இந்தியா கூட்டணியில் மதுரை,திண்டுக்கல் ஆகிய இரண்டு தொகுதிகளை மார்க்சிஸ்ட் கம்யூனிஸ்ட் கட்சி பெற்றுள்ள நிலையில் இன்று நடைபெறும் மாநில குழு கூட்டத்திற்கு பிறகு வேட்பாளர்களை அறிவிக்க வாய்ப்பு உள்ளது.

மதுரையில் ஏற்கனவே 2019ல் போட்டியிட்டு வென்ற சு.வெங்கடேசனே மீண்டும் போட்டியிட வாய்ப்புள்ளதாகவும், திண்டுக்கல்லில் திண்டுக்கல் முன்னாள் மாவட்ட செயலாளர் என்.பாண்டி, தற்போதைய திண்டுக்கல் மாவட்ட செயலாளர் சச்சிதானந்தம் அல்லது திண்டுக்கல் சட்டமன்றத்தில் மூன்று முறை சட்டமன்ற உறுப்பினராக அங்கம் வகித்த பால பாரதி இவர்களில் ஒருவர் திண்டுக்கல் நாடாளுமன்ற தொகுதியில் போட்டியிட வாய்ப்புள்ளதாகவும் தெரிவிக்கப்படுகிறது