உடல்நலக் குறைவால் காலமானார் நாகை எம்.பி செல்வராஜ் !!!

நாகப்பட்டினம் எம்பி செல்வராஜ் உடல் நலக்குறைவால் சென்னையில் உள்ள மருத்துவமனையில் காலமானார். நாகப்பட்டினம் நாடாளுமன்ற உறுப்பினர் எம் செல்வராஜ் உடல் நலக்குறைவால் உயிரிழந்தார் அவரது வயது 67.

திருவாரூர் மாவட்டம் சித்த மல்லியை சேர்ந்த இந்தியன் கம்யூனிஸ்ட் கட்சியின் மூத்த நிர்வாகி மற்றும் நாகப்பட்டினம் மக்களவைத் தொகுதி எம்பியும் ஆன எம் செல்வராஜுக்கு கடந்த ஒன்றாம் தேதி மன்னார்குடியில் நடந்த மே தின பொதுக்கூட்டத்தில் உடல் நலக்குறைவு ஏற்பட்டது.

இதனைத் தொடர்ந்து நுரையீரல் தொற்று காரணமாக மூச்சு திணறல் ஏற்பட்டு மே இரண்டாம் தேதி சென்னை மியாட் மருத்துவமனையில் அனுமதிக்கப்பட்டார்.

செல்வராஜ் இந்நிலையில் மருத்துவமனையில் சிகிச்சை பலனின்றி நேற்று நள்ளிரவு ஒரு மணி அளவில் செல்வராஜ் உயிரிழந்தார்.

இந்திய கம்யூனிஸ்ட் கட்சி சார்பில் 1989 ,1996 ,1998 ,2019 என 4 முறை மக்களவை உறுப்பினராக வெற்றி பெற்றவர் செல்வராஜ் அவரது மறைவுக்கு பல்வேறு அரசியல் கட்சித் தலைவர்கள் இரங்கல் தெரிவித்துள்ளனர்.