பேருந்து நிலையம் அருகே மது விற்பனை செய்தவர் கைது

கன்னியாகுமரி மாவட்டம் பளுகல் அருகே மத்தம்பாலை பகுதியை சேர்ந்த வர் மோசஸ் குமார்.இவர் திருவட்டார் பஸ் ஸ்டாண்ட் அருகே சந்தேகப்படும் படியாக நின்றுக் கொண்டி ருந்தார். அப்போது அந்த வழியாக ரோந்து வந்த திருவட்டார் போலீசார் அவரை பிடித்து விசாரித்த போது முன்னுக்கு பின் முரணாக பதில் அளித்து உள்ளார்.இதனால் அவரிடம் இருந்த பொருட்களை சோதனையிட்ட போது 50 மது பாட்டில்கள் மற்றும் ரூ.580 விற்பனை பணம் இருந்ததை கண்டுபிடித்தனர். மேலும் அவர் திருவட்டார் பேருந்து நிலையம் பகுதியில் மது விற்பனையில் ஈடுபட்டதும் தெரியவந்தது.இதை அடுத்து மதுபாட்டில்கள் மற்றும் பணத்தை பறிமுதல் செய்த போலீசார் அவரை கைது செய்து, விசாரித்து வருகின்றனர்.