தபால் பணியாளர்கள் வேலை நிறுத்தம்

ராணிப்பேட்டை தலைமை தபால் நிலையம் எதிரில் அகில இந்திய கிராம அஞ்சல் ஊழியர் சங்கம் சார்பில் பல்வேறு கோரிக்கைகளை வலியுறுத்தி காலவரையற்ற வேலை நிறுத்த போராட்டத்தில் ஈடுபட்டனர்.

ராணிப்பேட்டை மாவட்டத்தில் கிராம அஞ்சல் ஊழியர்கள் சுமார் 30க்கும் மேற்பட்டோர் பல்வேறு அம்ச கோரிக்கைகளை வலியுறுத்தி ராணிப்பேட்டை தலைமை தபால் நிலைய அலுவலகத்திற்கு முன்பாக போராட்டத்தில் ஈடுபட்டனர். இந்த போராட்டத்தில் புதிதாக பணிக்கு சேர்ந்த கிராம அஞ்சல் ஊழியர்களுக்கு இரண்டாம் நிலைக்கான ஊதியத்தை வழங்க வேண்டும், ஜி.ஐ.எஸ். தொகையை 5 லட்சமாக உயர்த்தி வழங்க வேண்டும், ஓய்வு பெற்ற கிராம அஞ்சலக ஊழியர்களுக்கு முறையான ஓய்வூதியம் வழங்க வேண்டும், அடக்குமுறைகளை கைவிட வேண்டும் என்பன உள்ளிட்ட 6 அம்ச கோரிக்கைகள் வலியுறுத்தி ஊழியர்கள் மத்திய அரசுக்கு எதிராகவும் கண்டன கோஷங்களை எழுப்பினர்.