சங்கராபுரம் அரசு பள்ளியில் முதன்மை கல்வி அலுவலர் ஆய்வு

சங்கராபுரம் அரசு ஆண்கள் மேல்நிலைப் பள்ளியில் மாவட்ட முதன்மை கல்வி அலுவலர் ஆய்வு செய்தார். கடந்த மாதம் கள்ளக்குறிச்சி மாவட்ட முதன்மை கல்வி அலுவலர்(சி.இ.ஓ.)வாக முருகன் பொறுப்பேற்றார். நேற்று காலை சங்கராபுரம் அரசு ஆண்கள் மேல்நிலை பள்ளியில் இறைவணக்க கூட்டத்தில் கலந்து கொண்டு பத்தாம் வகுப்பு, பிளஸ்1, பிளஸ் 2 பொது தேர்வில் 100 சதவீத தேர்ச்சி பெறுவதற்கான அறிவுரைகள் வழங்கினார். பின் பள்ளியில் ஆய்வு செய்தார். பின்னர் நடந்த ஆசிரியர்கள் கூட்டத்தில் கலந்துகொண்டார். நிகழ்ச்சியின் போது, பள்ளி தலைமை ஆசிரியர் சீனிவாசன்,உதவி தலைமை ஆசிரியர் ராமசாமி உடனிருந்தனர்.