எம்ஆர்எப் நிறுவனத்தில் பாதுகாப்பு மாத நிறைவு விழா

ராணிப்பேட்டை மாவட்டம், அரக்கோணம் எம்.ஆர்.எப். நிறுவனம் தொழிலாளர்கள் பாதுகாப்பிற்கு முக்கியத்துவம் அளிக்கும் வகையில் ஒவ்வொரு ஆண்டும் மார்ச் மாதத்தினை பாதுகாப்பு மாதமாக கடைபிடித்து வருகிறது. அதன்படி இந்த ஆண்டும் தேசிய பாதுகாப்பு மாதம் கடைபிடிக்கப்பட்டு தொழிலாளர்களுக்கு பாதுகாப்பு குறித்த பல்வேறு போட்டிகளும் நடத்தினர். பாதுகாப்பு மாதத்திற்கான நிறைவு விழா நிகழ்ச்சி அரக்கோணம் எம்.ஆர்.எப். நிறுவன வளாகத்தில் நடைபெற்றது.

அரக்கோணம் நிறுவனத்தின் பொதுமேலாளர் ஜான் டேனியல் தலைமை தாங்கினார். மூத்த உற்பத்தியாளர் இக்னேஷியஸ் ஜார்ஜ் முன்னிலை வகித்தார். பாதுகாப்பு மேலாளர் தினகரன் தாமஸ் வரவேற்றார்.சிறப்பு அழைப்பாளராக தொழிற்சாலைகளின் பாதுகாப்பு மற்றும் சுகாதார இணை இயக்குனர் எஸ்.தங்கதுரை கலந்துகொண்டு சிறப்புரையாற்றினார். தொடர்ந்து பாதுகாப்பு மாதத்தில் தொழிலாளர்களிடையே நடத்தப்பட்ட போட்டிகளில், வெற்றி பெற்றவர்களுக்கு பரிசுகளை வழங்கினார்.